三大中資電訊股已公佈業績，其中一哥中移動（941）雖然大賺超過1,200億人仔，但屬於公司上市以來第一次全年倒退，加上預告未來兩年都要做大花筒，投資巨額搞4G，睇嚟公司未來兩年都要慳住使，唔知係咪呢個原因，公司今年業績會派發畀傳媒嘅presentation（推介資料）唔同咗，由往年用開釘有透明膠面嘅版本，變為最普通嘅釘裝版，亦由過往嘅單面印刷變成雙面印刷。

據講，釘有透明膠面嘅推介資料，一般每本貴十蚊左右，今年呢個細微嘅改動．唔係慳皮可以係乜呢?都話做生意幾時都要睇餸食飯。

詳情請留意明天「中環在線」