【同個孫爭寵】愛狗逐一離世 施明：好心痛，頂唔到

蘋果日報 2017/12/18 16:32

狗施明人狗情未了
    施明同朱紀菲今日喺太子出席網絡電影《人狗情未了》發佈會。
    施明姐喺戲入面飾演狗場負責人，施明姐話自5歲已經領養貓狗，高峰時有10幾隻狗，但多年嚟愛狗逐一離世，佢話：「今年走咗3隻，好心痛，頂唔到，所以大家要量力而為，狗同小朋友一樣，佢哋好忠誠，係人嘅最佳伴侶。」施明姐仲話屋企嘅狗成日同個孫爭寵，個孫見到施明姐抱住狗狗時就會嬲，不過就讚個孫好有愛心，遺傳咗佢身為愛狗人士嘅善心。提到網絡上好多虐狗嘅片，施明姐就話：「之前睇過一段燒狗嘅片，啲人係諗住食狗肉，嗰個片段喺我腦海5年，所以唔好嘅片段大家都唔好睇。」
    更多娛聞，喺晒《娛果》
    http://fb.com/appledailyent
    empty
    攝影：陳慧安
    empty
    施明同朱紀菲今日喺太子出席網絡電影《人狗情未了》發佈會。
    empty
    施明姐喺戲入面飾演狗場負責人，施明姐話自5歲已經領養貓狗，高峰時有10幾隻狗。
    empty
    」施明姐仲話屋企嘅狗成日同個孫爭寵，個孫見到施明姐抱住狗狗時就會嬲。