當年今日

盼下半生擺脫豪門枷鎖
超瓊自由戀愛絕不讓步

蘋果日報 2002/01/05 00:00


賭王千金何超瓊(Pansy),前晚任《笑看浮生》的嘉賓。Pansy大談家庭背景令她成長時背負着很大壓力。Pansy曾面對一段不愉快的婚姻,她表示希望感情事可以自己去發揮。
賭王何鴻燊千金何超瓊(Pansy)和萬梓良前妻恬妞,前晚在亞視總台,錄影亞視節目《笑看浮生》。Pansy除大談童年在壓力下成長的辛酸外,還講及自己感情的問題。

壓力下成長
Pansy自言身為何鴻燊的女兒,成長時倍感壓力。Pansy說:「我嘅前半生好有壓力,做樣樣嘢都怕會蒙污屋企,大家知我媽咪(指藍瓊纓)唔係第一位太太,當時媽咪唔認係何太,只係藍小姐,所以頭十年都喺辛苦環境下成長,我希望下半生可以脫離呢啲(枷鎖)。」
主持蕭若元問Pansy跟前夫許晉亨仳離,可覺感情上若有所失,她說:「我近年學咗好重要嘅一堂,好多人以為我嘅處理方式唔啱,但人生中已有好多嘢要同人交代,𠵱家問心無愧,我最後一個防線係感情上想自己發揮。」
那Pansy現在的感情可發展得淋漓盡致?她說:「感情唔係發揮就有,最少要有個對象,兩個人先可產生奇妙感情,現時為止都未有。」

恬妞賀前夫
Pansy口中所指的,可是前男友楊其龍?她說:「唔係,我只係講做人好多嘢係做畀人睇,向人交代,如果感情咁理智,我就會好辛苦。」
此外,恬妞前晚往錄影,對於前夫萬梓良再婚,恬妞說:「恭喜佢,佢太太好靚,我自己就唔心急(再婚)。」
採訪:卓寶花
攝影:陳烱威