【曹操都有知心友】回復單身半年入紙結婚 「人渣」周永恒再婚娶大陸女友
趙頌茹家暴周永恒人渣劉依靜
自認「人渣」嘅34歲賤男周永恒(Roy),同前妻趙頌茹(阿Yu)育有兩女,但14年被爆背妻偷食劉依靜(Ruby),兩人嘅疑似淫照曝光,阿Yu更被家暴離家出走,兩人離婚收場。雖然Roy是非一籮籮,個底花喱花碌,估唔到依然有女埋身,上月底更入紙同32歲大陸女友陳薇結婚!
對於前夫計劃再婚,阿Yu以短訊回覆《蘋果》:「無回應。」問到Roy有冇通知佢或囡囡再婚消息?阿Yu表示:「都係你哋問我先知。」問到幾時搞掂離婚手續?佢表示:「2017年年尾。」即係阿Roy回復單身未夠半年,已經急不及待申請再婚!問到Roy有冇探兩個囡囡?阿Yu同樣表示冇回應。
而Roy另一位前度劉依靜(Ruby),當日疑介入Roy同阿Yu婚姻,近日風水輪流轉,傳被陳庭欣硬撬牆腳,搶走逾億彩豐行男友楊振源(Benny),Ruby對於舊愛Roy將再婚,同樣表示:「冇回應!」
精選娛聞,喺晒《娛果》
http://fb.com/appledailyent
周永恒與前妻趙頌茹2017年年尾完成離婚手續,即周永恒單身半年就再婚。