自言「嫁錯郎」的阿儀,十五年的婚姻夢碎,心裏盡是愁恨和怨懟。「我真係好後悔,呢段係我咁大個女以嚟最艱難、最痛苦嘅日子。𠵱家全身得番幾十元,就嚟飯都冇得食,仔女連書都冇得讀。」阿儀涕淚漣漣地說。
金融風暴摧毀家庭
阿儀八七年與當時任職汽車維修工人的丈夫共諧連理,婚後育有一對現年分別十五歲及十二歲的子女。早年,夫婦在親友集資下,開設了一間汽車貿易公司,三餐本也不愁,惜一場金融風暴,令她失去一切所有,包括身邊最親密的人。「生意蝕晒,唔緊要,最令我傷心嘅係連個老公都冇埋。當時公司重用我嗰名借咗唔少錢,我一個人真係搞唔掂。」
去年八月,阿儀帶着一對子女毅然離家,開展單親生活,但礙於經濟緊絀而令單親路上荊棘滿途。中三畢業的阿儀表示,婚後一直相夫教子,早已和社會脫節的她,尋尋覓覓也找不到工作。「完全冇收入,重有債主追上門,呢大半年全靠親戚朋友接濟我,但長貧難顧,都唔知點算。」阿儀續謂,由於和丈夫未達成離婚協議,加上之前經營的公司債務糾纏不清,令她無法申領綜援,三母子已到山窮水盡的地步。