日前，Facebook忽然彈出一個日本蜜瓜下午茶廣告，即時告訴阿太，阿太說：「咁吸引又咁平， i CREMExxx 一個蜜瓜雪糕都要$220， E度成個下午茶都係$148？」

平霸是我的名字，我最愛去親身試伏，本來抱著怎會有咁大隻蛤乸隨街跳心態去食，誰知香港地真的有大大隻蛤乸存在。

二人份量下午茶（$148）內容包括：甜蕃薯仔x5、蕨餅x4、大福x2、泡芙x2、小丸子x4、當然還有重點宮崎蜜瓜配軟雪糕，還有最攪笑的附上一碗甜咖哩飯。

阿太：「你影完相D雪糕都溶啦⋯⋯不如快快食咗個蜜瓜配軟雪糕先。」

我：「嘩！作死囉⋯⋯ 個蜜瓜咁鬼甜，真係日本出產，空氣都正好多」，SY：「個抹茶雪糕好濃味好好食呀！」

我：「一定要一啖蜜瓜一啖雪糕咁食，正呀！」

食完雪糕倒轉頭再吃咖哩飯還是第一次⋯⋯ SY：「咖哩飯唔辣呀！我都食到呀！」（日本咖哩飯一向也是甜甜地吧！）

煙煙韌韌的大福，還有一些忌廉做餡。

蕨餅又是我們的最愛，好食⋯⋯ 蕨餅的質感實在太正，之前食過相類似的葛餅，但嫌太爽口，不夠蕨餅的舒服。

小丸子有三款味道，淡淡的最好用來中和之前的甜。

還有不得了香甜蕃薯仔，永遠完勝的日本小小紅蕃薯，好好味！

如果要挑剔的就是海報印的是鯛魚燒，但出來卻變成759也有售的即食泡芙⋯⋯ 不過算吧！這份二人前已經超值啦！

臨走前我問店員，下午茶每日限量多少份呢？他答：「18-20份，因為老闆荷包放血，其實賣一份蝕一份，所以當有朝一日，老闆醒覺就唔會再賣」（咁希望老闆一直沉醉在享受客人開心滿足的感覺當中啦，不要醒覺好了）

店內還裝修成日本JR火車，感覺真的很不錯！我有衝動過兩日再來食過，因為實在太抵啦！

茶屋町
地址 : 深水埗長沙灣道217號
電話 : 26607722
註: 下午茶Set供應由15:00起，每日約18-20份

專欄作者簡介：
大仁生活愛玩具，愛一家三口吃喝玩樂，不停四圍影影影，愛電視、愛日劇、愛八，鍾意左儲右儲，鍾意咲看仁生。

Facebook專頁：
https://www.facebook.com/hayakutang

發掘更多身邊的小城故事，請LIKE 蘋地Facebook Page，並設定為「搶先看」： https://fb.com/appledailyland