長實(001)荃灣環宇海灣賣到而家賣剩17個分層單位，適逢聖誕，終於揾到個藉口搞噱頭，加推個叫「聖誕新年雙人豪華北歐旅遊」折扣優惠，買家額外獲贈338,000元，拎咗呢個所謂旅行優惠，唔去旅行都得，即係變相加優惠。

長實地產投資董事郭子威表示，呢個旅行折扣優惠的價錢其實係參考坊間北歐十幾日旅行套票嘅價錢，我哋只是建議買家拎呢個優惠去北歐旅行，因為咁啱聖誕，可以去睇北極光。買家拎呢個優惠，可以去邊都得。

以6座12樓F室為例，實用898方呎，售價1,150.3萬元，按原有優惠14.5%，再加呢個「旅行優惠」，變相加多近3%優惠，折實售價949.7萬元，呎價10,576元。