周三(28日)快活谷夜馬，如常編跑八場，用C加三跑道角逐，內檔馬始終佔優勢。潘頓、田泰安及郭能停賽，李寶利受傷，多位外籍大師傅缺陣，加上巫顯東墮馬退下火線，配搭大兜亂，令形勢更加緊湊。

第七場三班1200米，「飛霸龍」跑過三仗，初出即贏田草1200米，再出增程1400米又贏，打了兩場硬仗體力有點影響，上仗再跑不敵「美麗寶貝」及「魅影揚飛」只得季軍可理解，馬房安排休息，然後重新部署。為備戰今次跑快活谷，兩度安排試谷閘，都是最短途1000米，都有好走勢，轉急彎流暢，直路望空有追勢，已反覆試準。此駒屬九龍塘會團體，一向好鬥志，麥菲文近期正努力爭取頭馬，一定全力出擊可穩勝。

同場「再石磨藍」試谷閘輕鬆跟跑，身靚色潤，快跳火旺步伐挺勁，狀態依然咁弗，今仗用史卓豐排靚檔，爭勝主角。「叫關健康」狀態長期見好，今仗排檔較佳，用潘明輝減五磅有助，有權爭入三甲。「大風暴」狀態越戰越勇，拍跳甚出色，不妨跟多次。「問鼎高峰」路程首本，埋門試閘輕鬆跟跑，可兼顧做腳。