2003年3月31日上午6時，時任衞生署署長陳馮富珍向淘大花園E座發出隔離令，直至4月9日午夜。當年參與封樓的時任民政事務局常任秘書長李麗娟透露，隔離行動緊急，用兩小時組織了40名民政署同事，凌晨3時開簡報會，5時許到達淘大直入疫廈，逐家逐戶拍門派隔離令。「我事後先知驚，啲聯絡主任得廿幾三十幾歲，佢哋有乜事點算，尤其事喺肥仔佢單傳㗎」。今日淘大樓價上升，燈火通明，「淘大人好團結」令業委會主席非常安慰。

人稱「媽打」的李麗娟憶述，03年3月30日傍晚6時，收到時任特首辦主任林煥光電話，指翌日凌晨要隔離淘大E座，需民政署協助拍門派隔離令。「嗰時署長唔舒服，我叫佢唔好去，我同副署長去行(淘大)就得，再係觀塘、黃大仙同九龍城民政署搵齊40人。」凌晨3時開簡報會，4時半在觀塘警署與警方會合上車，5時許到達淘大。

「同事警察孖住一組去拍門，我就由30幾樓行落地下睇住佢哋點做」。她指行動後才感害怕，因簡報會上曾有年輕「肥仔」同事稱自己是單傳，母親已近80歲，若他出事中招，就只剩媽媽一人，「我即刻話，唔緊要，你唔好行，我替咗你個位」，「我啱啱離咗婚無耐，諗住爛命一條，死就死啦，但無諗到帶住40個同事，尤其係肥仔，佢單傳喎」。但最終肥仔決定要入淘大。

派隔離令後李麗娟仍要統籌行動，包括派發食物、將居民遷入隔離營等。「我好記得，嗰日做到(晚上)8點幾，睇住電視睇佢哋入隔離營，新聞賣張國榮走咗喎，成個人好似洩氣氣球咁」；她指當時已連續工作40多小時，兩晚沒睡，「我打俾林煥光，叫佢話俾董生聽，『我要返屋企，因為張國榮死咗』，其實係個人已經無晒氣（力）」。

因為擔心同事中招，那10日內不停祈禱，「保祐我啲聯絡主任唔好中招」，10天過後才鬆一口氣。她又透露，早前已拜托民政署找回那晚一同洗樓的同事聚會。

15年前同在淘大E座隔離現場的，還有淘大花園業主委員會聯會主席葉興國。當年他有份支持封樓，「我呢個身份，要支持封樓，係好困難；咁樣封樓法，形同政府宣佈香港係疫埠。不過見到（淘大）感染人數幾何級數咁增加，冇辦法唔做。」那10天，他每天到場探望居民，「行開行埋都會電話溝通，好記得頭3日，我已經打晒900分鐘電話（通話分鐘）」。直到隔離令完結，他才稍稍鬆一口氣，但遇要處理大廈U型渠被指是散播「沙士」病毒元兇一事。

葉興國指，淘大要做屋宇維修，最初找工程公司也遇到困難，尤其是拆卸U形渠工程，「個個都打退堂鼓，驚仲有（沙士）病毒，唔敢做」，幾經辛苦才找到公司承接。該項工程把每戶的浴室去水位先接駁至總U型聚水器後，才通去糞渠，避免細菌滋生及倒流回浴室。

改變大廈形象亦為重點，以E座為例，大堂變得更燈火通明，與舊日灰白色的深沉格調成強烈對比，並設有酒精消毒潔手機及醫療儀器級別的空氣細菌消毒儀。淘大花國仝人在沙士一役吸取了最深刻的教訓，「大家防感染意識高咗好多，亦好團結。」而15年後最令他感鼓舞的，是樓價已從低位大幅回升，反映淘大花園不再與「沙士」二字掛鈎。

記者　于健民