韓國女團Brown Eyed Girls嘅34歲成員Narsha，上月底公開婚訊，宣佈本月初跟同齡嘅企業家男友於印度洋中西部嘅塞舌爾群島（Seychelles）舉行小型婚禮，二人出發前，Narsha更於Instagram公開跟老公嘅素顏合照放閃。

今日，Narsha跟老公飛返韓國，二人於韓國仁川機場大方接受韓媒訪問，Narsha更公開跟老公嘅相識經過：「我跟老公認真拍拖兩年，之後決定結婚。一開始我哋係朋友，成日一班朋友一齊見面，好自然地就成為情侶。」

對於決定結婚嘅原因，Narsha表示：「我覺得喺我老公身上我學到好多，佢比我更加成熟，我好欣賞佢，我相信佢係可以畀我依靠嘅另一半。」Narsha嘅老公就表示：「佢跟鏡頭前表現出嚟嘅形象好唔同，其實佢係個好有女人味、好友善嘅人。」

至於幾時生B，Narsha坦言：「目前未有生B計劃。」似乎係想享受多啲二人世界。