「軍」系馬主郭浩一家上下，一向非常支持韋達，早前成就出韋達在港第1,800場頭馬的，亦正是「軍」系的「軍民歡」。

不過，今晚（19日）沙田最尾第八場三班1200米泥地賽、郭浩女婿呂明豪擁有的「軍力勁」，季內兩捷俱韋達經手，今次用蘇兆輝原來有段故。

「軍力勁」季內四戰，首兩仗用韋達全勝，近兩仗都不用韋達，是因他造不到磅，但亦得一亞一殿。本應韋達已計劃策騎此駒，在下周三（26日）跑三班谷草1200米。

可是因呂明豪下周不在港，因應其要求，廐主大摩遂讓此駒提早一星期出擊，角逐今晚三班泥地1200米，而韋達一早已落實騎同場蘇偉賢馬房的「添好運」，為免得失蘇偉賢，他亦沒有夾硬替「軍力勁」效力。

雖然沒有韋達，但大摩即找來好手蘇兆輝接手「軍力勁」，戰意不需懷疑。

此駒跑泥地1200米四次取得兩冠一季一殿，反映路程性能甚好，今次更排得第2檔及有猛人輝壓陣，發揮有保證，既然改了出擊日期，遷就馬主入場，大摩當然一定拼盡，不想令他失望。