【22:50】新增甘姓傷者訪問以及當區區議員回應

旺角花園街一間錶行，昨日遭「鐵鎚幫」行劫，其中一名錶行職員慘被歹徒斬傷手和耳朵，仍負傷追賊，可惜無功而回，目前仍然留院治理；老闆慨嘆「冇差人巡」治安差。

讀者鄭先生拍攝到受傷職員接受敷治的情況，他指當時放工途經，見到救護員正替傷者包紮。鄭說：「佢俾人斬呀！應該係賊人偷嘢，佢追出嚟，羽絨都爛晒，成地血，係咁嗌痛。」而賊人則棄車逃遁。

涉事錶行今日並沒營業，有警員到場翻看店舖的閉路電視錄影。姓張的東主稱，案發時他不在場，了解後得知4名賊人，闖入店內大叫打劫，不由分說斬傷姓甘的夥計（40歲），扑爆玻璃擸走多隻手錶。由於案件調查中，亦要與保險公司跟進賠償事宜，張不便透露太多。

不過，上月14日舖頭亦同樣遭爆竊，雖然沒有損失，但被賊人用電槍指嚇的職員，正是今次被斬傷的甘某。對於接連發生劫案，治安不靖，張說：「香港冇得救喇！冇差人巡嘅！」

另外，40歲甘姓傷者在醫院病榻接受訪問時，透露從11月至今，所知至少有10間同類型錶行遇劫，明顯較去年嚴重，原因他估計因年近歲晚，加上近月警方抽調不少警力應付示威事件，壯大了賊人犯案的膽量。為免再此遇劫，錶行會加裝一度門。

甘表示，錶行大門原沒上鎖，直至上月14日他獨自在店內看舖時，一名賊人闖人並用電槍電其胸部，街坊發現走近店舖查看，賊人恐事敗未有搜掠逃去。事後他報警，但警員一小時後才到場調查，而錶行亦從那時開始，營業時鎖上大門，有客上門才開門。

油尖旺區議員余德寶指，由於社會事件，近兩、三個月，警方少派警員上街，而改用警車巡邏，致治安問題多了，尤其是違泊。他相信警方有足夠的警力，普通巡警與防暴警並無衝突，警方只要按原有的編制安排巡警上街就可；而他會在新一屆區議會上，透過議會平台督促警方注意區內治安及違泊情況。

案發於昨日下午5時許，4名匪徒闖入錶行，持刀和鐵鎚打破玻璃飾櫃，得手後駕乘私家車逃走，但駛至先達廣場對開，因為交通擠塞而停下。匪徒最終棄車往麥花臣球場方向逃去無蹤，部份贓物散落地上，錶行損失總值約100萬元。
----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
---------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568