松岡李那、Shine男士組合等今晚齊現身中環嘅Evisu牛仔服時裝活動，松崗一身短背心及短褲，露出纖腰最為搶鏡。佢掀起件衫嗰陣，咁啱老外輕攬住佢，咁啱就伸咗隻手入佢件背心裡面，掂到松岡個「波邊」——不過有個tube隔住咗。但話時話，如果唔係咁啱松岡掀起件衫，都睇唔到老外「出手」……

提到同組成員蔡恩真日前因工作簽證在印尼扣留一事，松岡表示：「有聽聞，知她很快沒事，現在ok，自己冇特別打電話，不是太好。」問到其緋聞男友林德信被拍到與女子一同shopping，松岡表示：「係大家共同朋友，當時我同另一朋友食飯，不會嬲，因為各人有各自由，我都有同男性友人食飯，從來冇講過同佢一齊。若然適合，goahead。」

此外，徐天佑前日剛渡過31生日，一班朋友給他驚喜，而又南亦送上蛋糕。提到《紅Van2》開拍一事，又南表示：「導演尚在構思當中。」