韓國女團APink嘅鄭恩地近日上咗KBS《1對100》節目，佢喺節目中就公開咗自己嘅實際體重，喺節目中，對於好多人都覺得喺APink成員中，以恩地嘅外貌變化最大同明顯，咁樣講自然會令人聯想到有整容之嫌啦。

不過恩地都好大方，佢話承認自己有變化，主要原因係佢比出道嗰時瘦咗好多，由出道時嘅136磅減到依家嘅105磅，即係話佢前後減咗成31磅。

講真佢以前出席公開活動，着上裙仔時，條腿都幾粗吓，有時拍住其他瘦猛猛嘅成員，真係變成蚊髀同牛髀，所以令到佢都的起心肝減肥，佢話：「我得睇下自己嘅身材曲線，所以好努力咁做運動同埋打拳擊。」而節目將於今日播出。