一連九場嘅郭富城紅館演唱會噚晚圓滿結束，不過就唔見正印熊黛林同緋聞女友苟芸慧捧場，反而有好友沈嘉偉、林家棟嚟支持，據事後城城透露梁振英女兒同李慧詩都有捧場。

雖然噚晚冇女友捧場，但城城仍然落力演出，更high爆全場，為今次巡迴個唱首次喺香港除衫騷一身肌肉，即時令台下觀眾尖叫，又取笑粉絲流口水兼流鼻血。佢自言每晚都會檢討演出，覺得舞台可以有更多變化，佢更即場問粉絲會唔會支持開part3，更預告話：「到時可能唔只3D效果，可能有4D。」

對於Lynn睇唔到佢鍊肌肉成果，佢就避談，而同Lynn世紀握手，佢話：「每個嚟支持我朋友都想同佢握手。」又表示同苟芸慧嘅緋聞係誤會，因為沒特別研究，所以唔了解苟芸慧指爛桃花之說，但強調再見到面都唔會尷尬，亦表示唔覺得係對方製造緋聞。記者發現原本藍頭髮嘅城城已變回黑色，佢即講笑話：「藍(爛)桃花嘛，完騷就洗囉。」


「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum