由李鍾碩、韓孝珠等人主演嘅韓劇《W》上周三完美收官，因題材新鮮而獲劇迷追捧，劇中李鍾碩同韓孝珠更有多場吻戲，令劇迷大嗌好鬼Sweet！

前日《W》播出特輯，李鍾碩同韓孝珠亦有提到佢哋嘅咀嘴戲，兩人都不約而同話：「係從影以嚟錫得最多次嘅一齣劇。」咁多場吻戲要揀Top 3嘅話又會點揀？韓孝珠揀第3名係出現第2集嘅「初吻」，而第9集韓孝珠邊錫邊喊嗰幕就被選為第2名，第1名就係第7集確定心意嘅「手銬之吻」，因為拍得相當唯美。