狼振英透露細個時,已經好拿手整麪皮,令到做餃子塊麪皮多番啲層次,自家製作嘅麪皮,同街買嘅不能相提並論,「入口會好食啲」。佢又話隻餃子由於加咗韮菜,所以唔可以擺好耐,否則會出水,一放落水煮即爛。雖然講得頭頭是道,但由於選舉規例,規定選舉期間不能贈飲贈食,所以狼生一隻餃子都冇食過就走。
狼振英到訪嘅荃灣二陂坊一向治安麻麻,狼來了前個多小時已有近十名便衣警察到場戒備。狼振英到訪基層屋企,為方便電視台拍到佢表演山東手藝包餃子一幕,受訪單位基層住戶更先要將花園露台個木櫃搬走,政客做騷,勞師動眾,在所難免。