曼聯今個夏天可謂頭頭碰著黑，先有隊長哈利馬古尼喺希臘度假，涉嫌襲警等罪名畀人拉咗，官司都未搞掂又輪到中場大將保羅普巴確診武漢肺炎，加上紅魔鬼今個轉會費一直未買到人，競爭對手車路士就嗱嗱聲簽咗成四、五件，相信一眾魔迷都好擔心架喇！不過禮拜日似乎有好消息流出，話說各大外媒都爭相報道，曼聯跑出阿積士中場雲迪碧克嘅爭奪戰，呢位荷蘭新晉國腳有機會成為紅魔鬼今夏首位新兵。

新球季將會重返歐聯嘅曼聯，今個夏天轉會窗開始嗰陣都幾令人期待，又話會簽查頓辛祖，又話會簽基利亞殊，點知去到成8月31日傳統轉會窗就嚟關閉嘅日子，一個人都未買到，只係從錫菲聯收番23歲門將甸恩軒達臣返嚟，同迪基亞爭吓正選，對整體實力未見有大幫助喎！

好彩，今個夏天英超嘅轉會窗因為武肺疫情關係，會延遲到10月5號先會關閉，仲有一個月嘅時間畀曼聯增兵，禮拜日外媒就爆出，曼聯好大機會搶贏巴塞隆拿，買到阿積士中場雲迪碧克。事關呢位荷蘭國腳喺上禮拜六，冇代表阿積士對法蘭克福嘅熱身賽上陣，賽後阿積士教練坦哈格被問到雲迪碧克係咪就快走人時，仲承認：「冇錯，係有啲事態發展，令到佢唔喺球隊陣中。」

雖然一直有傳雲迪碧克會隨前荷蘭國家隊教練朗奴高文，去巴塞隆拿組建荷蘭幫，不過ESPN隨即話收到消息，曼聯喺雲迪碧克爭奪戰中最有機，巴塞反而唔係雲迪碧克嘅選擇喎！不過部份英媒就比較冷靜，好似《電訊報》就話曼聯係對呢位中場有興趣，但仲未正式報價。

之不過雲迪碧克冇喇喇唔踢熱身賽，轉會似乎已成定局，問題係佢會去邊間球會㗎啫！如果真係加盟曼聯嘅話，配合波基斯費南迪斯同保羅普巴組成中場鐵三角，都咪話唔得人驚，不過呢三位中場似乎都偏向進攻多於防守，到時會點樣用雲迪碧克，甚至乎曼聯嘅4-3-3陣式會唔會改變，就要睇領隊蘇斯克查嘅功力同選擇喇！

至於隊長哈利馬古尼嘅官司問題仲未解決，由於曼聯喺禮拜三就會正式開操，英國《太陽報》就話紅魔已批准馬古尼遲幾日歸隊，希望佢多啲時間搞得掂單官司先返嚟英國，報道估計馬古尼最快會喺嚟緊嘅周末同曼聯隊友重聚，唔知到時會唔會見到「新隊友」雲迪碧克呢？

------------------------------

邊個話財不入急門？

需要周轉嘅時候幫到手，先叫做應急囉！

邦民日本財務急你所急，只需要一個手提電話號碼同一張身份證#就可以申請貸款。

新客仲有迎新現金獎高達HK$3,500▲添！

貸款額全數過戶，絕無手續費。

立即申請 : https://bit.ly/2UlZfUU

推廣期由2020年7月1日至2020年8月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1140/2019

查詢及投訴熱線：3199 1199

------------------------------

打國際線 《蘋果》英文版免費試睇 按此了解更多

英文版已登錄新版《蘋果》App 按此下載/更新 iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！