首開腔談官司
華仔:借錢就應該還

蘋果日報 2004/02/02 00:00


劉德華年初開始與所屬的加際唱片互相興訟,華仔昨首次為事件開腔,他說:「我冇理所有嘢,交晒畀律師搞,律師都話理解唔到佢想告乜,𠵱家等律師同對方書信來往。」加際日前遭華仔好友余偉國的公司申請清盤,問華仔若唱片公司結業,其唱片約有何打算?他皺着眉說:「我唔知,其實問人借錢就應該還,之後好好哋做我隻唱片咪得囉,之前又話二月會出,十一月嘥咗我兩個禮拜,二月又嘥我兩個禮拜,究竟重想唔想出呢?最重要係工作精神同誠信,講過乜就要做乜先得㗎。」

自覺婦人之仁
華仔事後補充覺得有人利用跟他的關係,誤導別人跟加際合作,他說:「好似大耳牛(李安修的公司)係為咗幫我,而趙增熹又計平咗幫佢哋做唱片,余偉國又好平咁幫手拍MV,唔好利用我個名誤導人囉,我唔想大家以為『幫華仔』,點知唔開心囉。」
問華仔可聯絡過加際負責人伍曼英?他說:「佢唔覆我哋,之前一直想搵佢傾二月出碟嘅宣傳問題,佢都唔開會,搵唔到人。」
華仔連續兩年官非纏身,問他可有研究過原因?他戚着眉說:「我覺得我婦人之仁囉,哈哈。」