這次（11日）谷草八場賽事，停賽騎師只有田泰安。

留意本季賽事已進入季尾時間，見習生減磅優惠情況逐步湧現，尤其是中距離放前走更加值得留意。

練馬師方面，今次鍾意方嘉柏之戰馬，其中又對出王牌上陣的「星河戰駒」最有好感，棄何澤堯換潘頓，擺到明搏命贏馬交代為止。

第一場五班1650米，「星河戰駒」睇番2月28日試閘直路上又騎又打跑尾二，或者會被嚇親，如果有細心睇番整條片段，可以解釋問題所在。

出閘何澤堯根本就未準備好，韁繩未揸穩因此起步昂首，變相鞍上人為要取得平衡而被迫打樁四、五步，因而失位甚多。

跑過200米之後，原來連風鏡亦未戴好，右手要整理配件，因此大部份途程遙遙墮後，所以試得唔好，絕對可以理解。

論質素「星河戰駒」肯定係全組馬中最高，上次轉馬房初出首次戴眼罩已經跑第二，擺明第五班超級。

今次增程棄何澤堯換潘頓，C欄利後追，有利條件都有齊，勝望最大。

「創紀錄」屬於一匹闊豐圓身馬，要靠硬功騎師才騎得郁，用雷神最啱不過。

「神馬飛揚」論狀態前所未見咁靚，要加入。

-------------
【馬後炮】520萬拍賣馬一步都冇！
棟哥繼續鬧爆呃錢馬呃錢騎師！
-------------
【足總主席專訪】曾填錯飛都中580萬三T！
貝鈞奇：年青一代要發揮港人永不放棄精神
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩