86歲的李笑英婆婆半生任職家傭，照顧主人一家大小起居飲食。步入晚年，她一身病痛卻乏人照料，年前一次跌倒意外，令她舉步維艱，生活孤苦淒清。現她有一個小小心願，便是在嚴冬來臨前有電熱水爐使用，免卻從廚房提取沉重的暖水壺到浴室洗澡之苦。蘋果日報慈善基金正為她安排爐具，助她達成心願。
原籍順德的李婆婆，年輕時與丈夫在鄉間務農，生活總算過得去。可是一場大水，丈夫不幸被淹身亡，無依無靠下，只好獨個離鄉，開始了長達半個世紀的打住家工歲月。「以前喺廣州個主人好巴閉，男嘅係建築師，女嘅係律師，雖然要一腳踢做晒所有家務，但主人都對我好好，臨解放前都帶埋我嚟香港，無丟底我喺大陸！」
即使老主人移民海外，主僕情誼卻未中斷，「嗰時老主人每年都會喺美國寄聖誕卡畀我，問候我，不過我唔識字，要搵人幫我寫信回畀佢！」遠來的問候雖然窩心，卻不能抵銷歲月催人的殘酷現實。李婆婆健康每況愈下，她除有糖尿病，年前一次意外中跌傷股骨，活動能力大不如前，需要柺杖助行。