噚日，孫柏文睇我報報道有示威，抗議有間Yoga中心「改名換姓」取消課程。報道隔籬有幅相，裏面啲英文好似有啲錯，不過作為一個日日被人抨擊中文差嘅番書仔，最緊要明就得。
見幅相有錯處，我就反射式咁開始玩「尋錯處」遊戲。睇清楚啲，見到有位立法會議員一齊去示威，涉嫌抽油水。
平時見到立法會議員參加討伐私人錢債衝突嘅示威，我都覺得關佢咩事？關政府咩事？又出嚟抽油水？不過今次抗議Yoga中心就唔同，因為有份參與嘅立法會議員係劉江華。
大家都知道Yoga玩到登峯造極嘅時候，一定係軟骨功練到爐火純青。劉江華作為一個既係民主黨前身港同盟嘅成員，亦係今時今日民建聯嘅中堅分子，孫柏文絕對相信，劉江華唔係要求退回學費，以佢嘅功力，應該係要求發還被拖欠嘅薪金。祝佢好運！
金手指網誌： http://phatdat.blogspot.com