李八方online｜689極速領功：深圳我都有份起㗎！
蘋果日報 2020/10/14 22:17
李八方online梁振英深圳
深圳特區40周年，連國家主席習近平都親自去慶祝，仲要講明深圳係將來大灣區重要引擎。習大大講到咁，親中人士係時候爭住領功。暫時跑出個馬鼻嘅就係全國政協副主席梁振英，事關佢接受埋央視訪問講自己對深圳嘅貢獻。
梁振英身為國家領導人級別，有功領就梗係領得大份啲、快啲，特首林鄭月娥唔恨得咁多啦。
梁振英喺央視話，雖然自己只係參加咗「一點點工作」，但參與到深圳從無到有嘅規劃覺得好光榮、好自豪，直頭係自己工作生涯入面一個重要嘅組成部份。
話時話，梁振英做特首嗰陣已經成日貶低香港、抬舉深圳，而家習大大講完嘢又變成自己有份建設，食相會唔會難睇咗啲？
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！