日本國民級組合SMAP去年除夕解散之後，成員香取慎吾、草彅剛同稻垣吾郎喺上個月初正式告別尊尼事務所，並加盟新公司CULEN。近日，佢哋相當活躍，香取慎吾同草彅剛仲一齊錄影周三播出嘅富士台特備節目，相隔9個幾月再度同台合唱。

今次節目佢哋結伴同遊唔少地方，草彅剛駕車載香取周遊去，仲帶埋愛犬入鏡。佢哋又為節目再度同台合唱，係SMAP成員自演繹《世上唯一的花》後，相隔9個幾月再度合唱一曲，香取慎吾就話好耐冇試過被好多個攝影機包圍所以好緊張咁話喎。