上月初，人妻徐若瑄因捲入台獨風波，而被大陸名列演藝圈「55組封殺藝人名單」中，唔單止大陸廣告被撤換，原定出席嘅節目亦被迫取消。

當時徐若瑄俾大陸網民摷番佢喺2010年做咗一件「污辱國格」嘅事，話佢2010年喺微博出po話：「大陸，這個我國家我再也不想去發展，對於這個國家我能做太多的評論，以後我會把事業中心轉向日本，無論後果怎麼樣，我都不會再去哪個國家，那個曾經封殺了阿妹的國家，嗯，就這樣我決定了！」

字面睇，徐若瑄講到咁凶狠，咁強國網民要抵制都可以理解，之但係，日前已證實以上留言，根本子虛烏有，老屈程度等同盲人偷睇國家機密，不過，即使徐若瑄強烈澄清，又點抵得住強國網民把口？(新聞連結： http://bit.ly/2l3rrrD )

就係咁，平時玩開微博嘅徐若瑄，近日索性將據地由微博轉移到Ig同facebook，啱啱佢就喺Ig貼咗老友舒淇同囝囝小V寶一齊過年嘅相，相中舒淇問小V寶攞柑，仲擺出一副渴求樣，最後都o氹到小V寶主動俾個柑佢。

雖然俾強國網民封殺，不過徐若瑄喺相中嘟嘴擺V字手勢，個樣風騷到暈，似乎冇受大陸封殺影響喎！