黑人諧星奇雲哈特（Kevin Hart）前日（香港時間5日）落實擔任今屆奧斯卡主持，其後有關佢恐同言論即被翻炒，今日佢宣佈辭任主持職務。

Kevin Hart曾不止一次發表排斥同性戀言論，包括曾說：「如我發現我兒子在家嘗試玩我女兒的洋娃娃，我會用洋娃娃打他的頭，並說：『停止，這樣好基。』」又說過：「如我可以阻止兒子成為同性戀，我會。」，他亦曾取笑Damien Dante Wayans的Twitter頭像，似足有關同志預防愛滋病的廣告牌。

Kevin Hart原本拒絕道歉，稱係以前嘅立場，如今自己已成長，仲話如果奧斯卡大會要換咗佢都冇所謂。而今日，Kevin Hart公開新留言，向LGBT團體道歉，並指選擇辭去奧斯卡主持一職：「我選擇退出今年的奧斯卡，是因為不想一個為多位傑出藝術家慶祝的晚上被分散注意。我真誠為過去言論向LGBTQ團體道歉。」