當年今日
關於我們

【子健講馬】尊兄冇發爛渣掂

蘋果日報 2015/04/16 06:00

尊兄

告東尼有「萬事勇」征戰澳港盃,今朝仍到場,睇埋周日戰馬,最後試跑表現才放心,七匹正選馬,除「幸運勝利」與「美麗里程」,提前在周三拍跳彈泥閘,其餘五駒都出晒大圈跳。
睇過晒,鍾意「華美之寶」及「尊兄」,尤其是後駒,季初贏馬前有揀,所以特別記得,點先為「弗」,由於晨操向來有少爺脾氣,試法與一般廐侶唔同,出跑道後,踱大半個圈到直路才起步跳四百,碰啱有別廐馬緊貼出跳,以為「尊兄」受騷擾下會發爛渣,點知估錯,喜見定過抬炸彈,跳完收停又無扭計,確實出乎意料!
縱使「尊兄」試得唔快,著重的是夠唔夠輕鬆,情緒定唔定,昨課表現,完全符合要求,今次用番贏馬拍檔楊明綸,跑番1600米,大有變身的可能性。
至於「華美之寶」,狀態仍覺好,只欠缺突破性的進步,還好,這次能重返四班跑,用番韋達又排內檔,條件尚夠。

詳盡內容可留意明日<<蘋果日報>>及蘋果馬網 http://hk.racing.nextmedia.com