歐洲足協公佈上季歐聯最佳球員候選名單，門將、後衞、中場同前鋒各有3個候選人，上屆冠軍皇家馬德里有6人入選，佔咗一半，最跨張係中場位置，皇馬三子莫迪歷、卻奧斯同卡斯米路包辦晒3個名額，想唔投皇馬球員都唔得。

前鋒方面，皇馬前鋒基斯坦奴朗拿度（C朗）當然入選，亞軍祖雲達斯就有保羅戴巴拿入圍，巴塞雖然8強止步，美斯都仍然入圍，而轉投PSG嘅尼馬就冇份。門將係皇馬唯一冇球員入圍位置，由祖雲達斯嘅保方、拜仁慕尼黑嘅紐亞同馬德里體育會嘅奧比歷爭奪。