當年今日
關於我們

【異動空間】否極泰來的關鍵(魏力)

蘋果日報 2019/06/09 17:00

異動空間魏力

「唔係打緊貿易戰咩?點解美股日日係咁升?」可能戰友都有此疑問。貿戰的確還在打,但上周美聯儲主席鮑威爾的演說,表明了一件事:印鈔機將再次啟動,全球將進入新一輪貨幣寬鬆期。股市升定跌睇兩因素:資金、信心。印錢必有利股市,但中港股市要見底回升,尚欠「貿戰傾得成」的信心。
鮑老演說有兩大訊息:一、美息可減到零(約莫9發子彈);二、非常規政策工具(買債)會變成新常態,即係話有需要時,銀紙可以係咁印。回想去年12月,鮑老仍預期今年加兩次息、保持縮表;今年初轉向「對加息保持耐性、9月結束縮表」,再到上周徹底轉鴿,這代表甚麼?就是美國經濟急轉直下。
「點解經濟差股市反而升?」剛才講過,股市炒資金同信心,家陣美聯儲話你知,為救經濟,銀紙要幾多有幾多;另一邊廂,10年期國債得番2厘息,仲低過擺銀行,即係代表:一、好快會減息(隨時年底前減兩、三次);二、買債無肉食,焗人買股票。至於貿戰,從美股反應可見,投資者睇死特朗普得把口,最後仍會達成協議,方便明年爭取連任時邀功。
此外,美國再行量寬等於向阿爺鬆章,畀機會人行放水救市,易綱順勢就話「有巨大空間減息降準」,令人仔應聲向下,如日內插穿7算引發恐慌,應是否極泰來之時。
魏力
www.facebook.com/2012jason
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX