【李八方online】亞太鐵路大會前夕撞車 港鐵後日教人換訊號系統
港鐵金澤培周大滄李八方ONLINE劉天成亞太鐵路大會羅志沖王惠明
一年一度亞太鐵路大會,明天起將一連兩日在香港舉行。
港鐵尋晚測試新訊號系統,居然搞到有列車相撞。雖然撞車呢啲嘢,幾時撞都唔好,不過港鐵今次撞車就真係撞得非常唔合時,因為一年一度的亞太鐵路大會,聽日同後日就會喺香港舉行。
呢個亞洲鐵路盛事,匯聚全球鐵路行業精英,港人熟悉嘅JR東日本、台灣嘅台鐵、法國嘅SNCF、德國嘅DB Bahn等都會出席;內容包括介紹最新產品嘅展覽,仲有一系列講座同研討會,討論行業最新發展。
而香港作為東道主,港鐵當然係大會嘅頭號贊助商,行政總裁金澤培聽朝一早就會致歡迎辭,然後同幾位行業領袖進行專題訪談,主持嘅係奧雅納嘅全球軌道業務總監周大滄,即係2014年因為香港高鐵醜聞下台嗰一位。除咗金澤培,多位港鐵高層都會悉數上陣,例如今日解畫嘅劉天成,後日會討論亞太區鐵路嘅嶄新科技;客戶體驗拓展總經理梁靜雯就會講點樣喺數碼時代了解顧客等。
不過最矚目嘅,應該都係由項目經理(訊號)羅志沖、以及前總訊號工程師(車務)王惠明主講嘅「更換訊號系統:最佳實踐(Resignalling: best practices)」嘅研討會,內容會討論點樣將更換系統時對服務影響減到最少、大規模更換系統時要避開嘅陷阱等等。
王惠明雖然啱啱喺舊年年底離職,但而家仲係港鐵嘅工程顧問,而且會為港鐵學院提供新訊號系統CBTC嘅訓練。今次試車撞到咁甘,連國際媒體都有報道,兩位到時都唔知點教啲行家咩叫best practice喇。
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
港鐵作為大會主要贊助商,多位高層均會出席擔任研討會嘉賓。
港鐵項目經理(訊號)羅志沖及前總訊號工程師(車務)王惠明將主講「更換訊號系統:最佳實踐(Resignalling: best practices)」研討會,內容討論點如何將更換系統時對服務影響減到最少、大規模更換系統時要避開嘅陷阱等等。