現年32歲嘅韓劇《她很漂亮》女星黃靜茵，去年2月跟鋼鐵企業CEO李英敦結婚，今年2月宣佈陀B。目前陀B約八個月嘅黃靜茵，今日就於Instagram公開新相，大晒跟老公嘅幸福日常生活。

據知黃靜茵跟嚴泰雄嘅芭蕾舞蹈員妻子尹慧珍、女星錢忍和等好友聚會，穿上背心裙嘅黃靜茵明顯見巨肚，佢亦冇特別去遮肚，大方公開側身及正面照。不過唔知係唔係因為冇化妝，黃靜茵就一直用手遮嘴。而是次聚會李英敦就負責為老婆拍照，認真恩愛。

另外，黃靜茵噚日公開陀B前嘅舊照，似乎係懷念當時纖瘦嘅身型。