英國足球今日最轟動嘅消息，肯定係修咸頓後衛華基爾雲迪積克（VVD）以7,500萬鎊（約7.85億港元）嘅轉會費轉投利物浦。呢單交易會喺1月1號冬季轉會窗重開嘅時候完成，VVD到時會著4號波衫比賽。

心水清嘅球迷自然會記得利記近年起勢咁向修咸頓挖角，由列基林拔同拉爾拉拿開始，之後到洛夫雲、尼達利基尼同埋沙迪奧文尼，嚟緊仲有VVD，總共有六個「聖人」加盟紅軍。其實，喺英超年代總共有八個「聖人」轉會利物浦。

由近啲嘅數起，2005年，修咸頓長人前鋒高治以700萬鎊加盟利記，當時簽約四年。雖然高治埋單只係踢咗三年就轉會樸茨茅夫，但佢總共上陣134場入42球，都算係唔錯嘅成績。另一位就係威爾斯守門員保羅鍾斯，佢喺1997至2004年效力修咸頓，離隊之後因為利物浦嘅門將傷兵太多，加盟紅軍做替工，期間上陣過兩場，成為利物浦戰後最老嘅「地標」球員。

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM