效力歐洲主要聯賽球會嘅球星，喺休季除咗唞暑之外，好多都會趁呢個空檔，同另一半拉埋天窗，而阿仙奴中場韋舒亞同埋多蒙特後衞巴斯巴查亦唔例外。「煙王」韋舒亞喺上個禮拜六就同女友安迪安妮喺意大利嘅托斯卡納行禮，佢嘅唔少球圈好友好似曾經喺兵工廠共事嘅門將施捷斯尼等，都有嚟賀賀佢，而韋舒亞仲搵到歌手Craig David做表演嘉賓㖭！至於多蒙特嘅西班牙後衛馬斯巴查，亦喺星期日同記者女朋友梅莉莎喺巴塞隆拿行禮，場面好鬼溫馨。