去到季尾騎師龍虎榜大局已定，雷神經已136W在手，將排第二位潘頓的62W，第三位柏寶45W加埋都頂唔住一個雷神，而用慘不忍睹來形容韋達絕不誇張，事關經過三分二個馬季後，現時只贏得29W！雖然雷神近兩季進駐香港後，實力座騎的確被搶走不少，但前季韋達仍贏88W，上季差極都有74W，換言之現時29W實屬極其嚴重偏低。

既偏低自然有追落後空間，雖然屬一件頗高風險的事情，但更重要是有高回報，因為從不相信幾個月的韋達可如此急劇退化？

今次韋達只得四匹座騎，範圍窄不用像吼雷神般亂石投林！其四匹座騎中重心當然係熱門的「狀元才」，但曾缺課一周不知會否有影響？建議吼有賠率的「威力川」同「軍勇戰神」，前駒係轉投大摩初出（原屬沈廐未跑過），但卻由韋達一手操好，用他絕非臨時拉伕；後駒（賢轉葉廐初出）情況亦一樣，呢對新轉倉馬都有得博！