當年今日
關於我們

【HMV清盤】龍頭大佬都要執 細舖老闆嘆:個市場係萎縮緊

蘋果日報 2018/12/18 17:34

通菜街小店唱片店HMV

【新增動新聞】
HMV數碼中國公佈,旗下HMV零售決定自願清盤,集團指HMV零售入不敷支,零售舖早前已屢傳多次欠租。DVD Pro老闆Andy認為,HMV之死在於租金太貴,「幾百萬租間舖賣DVD呢啲生意我唔識做呀」,認為行業萎縮,細舖才能生存,「地舖而㗎冇乜㗎啦」。他在旺角通菜街大廈地庫經營影碟舖已有20年,舖租每月數萬元,客源依賴一班影碟發燒友,「有高級影音器材、環迴立體聲,一定會買返正版碟嘅,靚畫面靚聲係唔同,download唔係嗰啲質素,同手機兩個享受來嘅」,同一款碟入齊DVD、Blu-ray和4K影碟等不同格式,應付不同客人需要,通常以外國大製作電影較受歡迎。
但Andy認為,HMV門市倒閉,對小店都有影響,「佢哋賣得貴,先顯得我哋平呀嘛,啲人睇完咪落來買」,少了個聚腳點,讓客人慢慢選購,然後再格價。他預計影碟舖門市,或可捱多十年八載,但隨著科技進步,無可避免人人都上網看戲 。
在通菜街經營唱片舖12年的「聽雨音樂」,老闆鍾先生認為,賣唱片策略在於薄利多銷,但流行歌唱片壽命太短,加上價錢越來越貴,「一隻碟賣1至2星期就冇人會再買,流行歌CD我通常都係入5隻,賣剩一隻我都蝕,你話幾嚴重」,近年銷情亦下跌3成至4成,所以其店售國內發燒唱片和懷舊黑膠碟為主,前者價錢平、來貨多、銷路穩定,不少內地遊客都會來港購買,加上幾百呎舖位只是兩萬多元租金,才得以長期收支平衡。
任職銀行業的黑膠迷張先生,對HMV清盤感到可惜,「成日都去㗎,我噚日先去完,但其實啲存貨已經淨返2至3成」,主要在唱片舖買CD和黑膠碟為主,「app真係冇得比,黑膠播出來啲音好真」,愛聽舊歌,主要聽80至90年代歌曲。他認為CD本身具收藏價值,但拿起手機就能聽歌,現時新一代流行音樂質素參差,「編曲、填詞功力方面,同以前係冇得比㗎啦」,未能勾起購買意欲。
empty
唱片行業萎縮,小店認為只有細舖才能生存。黎樹雄攝
empty
Andy預計,影碟舖門市或可捱多十年八載。黎樹雄攝
empty
通菜街經營唱片舖12年的鍾先生認為,賣唱片策略在於薄利多銷。黎樹雄攝
empty
任職創科業的鍾先生指,買唱片已成為多年習慣,即使有了音樂串流平台亦不會放棄買碟,「可以喺app聽完覺得值先買」,習慣先由頭到尾聽一次唱片,再下載心儀歌曲到智能手機。黎樹雄攝
empty
大學生盧小姐説和友人逛HMV是中學回憶,認為行唱片舖是娛樂之一,但對上一次買唱片已是5、6年前,家中唱片機早已封塵,認為CD應要具收藏價值,如一些懷舊經典作品。黎樹雄攝