【本報訊】大家樂（341）創辦人除了是香港望族羅騰祥家族外，另一位創辦人是羅騰祥侄兒羅開睦，他正正是現任首席執行官羅德承的父親。父親以往經常巡舖，羅德承回想自己仍未於人前「曝光」時，亦曾以神秘顧客身份試食大家樂，羅德承承認：「當時食到嘅係一般水準，係會有啲參差」。
羅開睦1997年辭世，如羅德承所言，家屬一向為人低調，羅開睦生前鮮有接受傳媒訪問。「我老竇係一個好hands-on（親力親為）嘅人」，羅德承如此形容父親，八十年代大家樂分店數目只有20餘間，較易管理，羅開睦經常巡舖，不過，大家樂香港分店至今超過170間，難以事事親力親為，「佢（老竇）嗰個年代係做cash business（現金流量高的業務），做到咁上下規模，就要靠系統管理」。
1996年加入大家樂，主要負責後勤工作的羅德承仍未於人前「曝光」。「以前我落舖頭可以做到mysterious shopper（神秘顧客），現時唔得㗎喇」。他笑說，當時冒充普通食客，食物質素確有參差；今時今日身為集團CEO，只會吃到CEO的水準，羅德承說，這反映一個事實：「相同嘅食材，其實可以做好啲」。
羅德承認為，人的專注力不能長時間維持，食物水準難免參差，管理團隊需要研究利用科技和系統盡量令食物質素保持穩定，包括中央採購、採用自動化食品生產工具等。
但系統極其量是輔助，員工才是重要人柱，羅德承比喻營運餐飲企業如同管理「足球隊」，「嗰隊波合作得耐會有默契，人腳成日換，好難維持（營運水準）」，集團現從提供跨區工作津貼、員工培訓，甚至員工轉介獎金計劃等，以解決勞工短缺的問題。