會計師實踐中產參政 - 李八方

蘋果日報 2004/07/09 00:00


有意競選入立法會嘅各路人馬已急不及待曝光,自言可能係最年輕候選人嘅會計師龔耀輝今日會喺灣仔金紫荊廣場宣布參選,三十四歲嘅龔耀輝聲言希望可成為會計界同社會、政府同市民及中央同香港之間嘅三道橋樑,強調呢次參選係「中產參政起步」,目標係爭取後生會計師選票。
龔耀輝係選舉新丁,幫佢手做競選經理嘅龍緯汶舊年曾參選區議會落選,係一個為香港小數族裔爭取權益嘅組織「南方民主聯盟」主席,龍緯汶話純粹做技術支援。
會計界好戲開鑼,飲食界則已烽煙四起,專業教育學院柴灣分校酒店、服務及旅遊學系主任黃倩瑛前日喺阿一鮑魚楊貫一等行內人支持下宣布參選,並以「無黨派、無包袱」為賣點,加埋民主黨陳樹英;現任議員張宇人面對兩位女將反應淡定,初步睇要連任唔難。



傳真︰2623-9278
電郵︰[email protected]