自言與鋼琴一見鍾情的Carmen，小時候最喜歡逛琴行，亂彈一通已樂上半天。5歲半父母安排她學琴，自此視鋼琴為最親密朋友，「我講嘢唔叻，表達唔到自己想講乜，但彈琴我可以抒發到自己情緒同想法，開心唔開心都彈」。

這世代誘惑很多，堅守興趣談何容易，偏偏她很專一，「我唔睇電視，又唔打機，如果唔彈琴就唔知做乜㗎喇」。
她的音樂路並非一帆風順，初中時曾對前路感迷惘，「唔知應該點行落去，會諗係咪應該暫時放棄音樂，等攞到大學學位先？」加上父親反對，力勸她集中精力讀書，拖了好幾年，她才應考演奏級，「最後都係想忠於自己理想」。
機緣巧合，一位志同道合的朋友遞上一張英國皇家音樂學院報名表，「當時諗住試吓無妨，估唔到真係得咗，好開心」。收到取錄信後，她戰戰兢兢地問父親：「如果英國皇家音樂學院畀學位我，去唔去好？」程父原本不以為然，得知女兒真的考上頂級音樂學府後，亦選擇支持。「有人話玩音樂係孤獨嘅，但我覺得唔係，好多謝屋企人同朋友一直支持我」。
Carmen最近參與鼓勵年輕人追夢的比賽「夢想舞台」，成功打入八強，下月將踏足舞台，與2,700位觀眾分享音樂夢，「希望用音樂證明，呢個世界仲有一啲美好嘅事值得堅持」。

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange