沙地阿拉伯事隔12年再次打入世盃決賽周，梗係要大肆慶祝啦!班油王近日請咗經典球星朗拿度、李華度、馬甸尼、佩奧爾、費高、傑斯、羅拔圖卡路士等去沙地贈慶，仲叫晒佢哋上電視表演射12碼。唔知係咪太耐冇踢波搞到隻腳生晒銹，有「李三腳」之稱嘅李華度對住大大個龍門狂揪都可以射失，將個波射埋出佈景板，仲畀卡路士同馬甸尼瘋狂恥笑！

睇返條片，李華度之後再射多次但都係唔入，畀個紙板龍門一嘢撲走咗，認真失威！卡路士笑人笑得咁開心，但之後自己射嗰時就畀紙板龍門撲走咗，其實都係五步笑百步！其實呢啲都唔係重點，重點係一班經典球星聚首一堂，畀班球迷回味一番。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM