【英超賽前】古天奴練波好勁 高路普話出番米洛列特
蘋果日報 2017/09/15 21:10
英超利物浦般尼高路普米洛列特菲臘比古天奴
【新增影片】
周中歐聯被西維爾逼和嘅利物浦，都要收拾心情準備周六對般尼嘅聯賽；領隊高路普周五出席記者會，對於巴西中場菲臘比古天奴，有望今季聯賽首度出戰，高路普話：「上仗佢後備入替，好開心得到球迷嘅熱情打氣，對佢嚟講係好事，佢練習時狀態都好出眾。」另一個好消息係前鋒丹尼艾格斯已經復操，不過拉爾拉拿同尼達利基尼仍復出無期。
周中歐聯被西維爾逼和嘅利物浦，都要收拾心情準備周六對般尼嘅聯賽；領隊高路普周五出席記者會，對於巴西中場菲臘比古天奴，有望今季聯賽首度出戰，高路普話：「上仗佢後備入替，好開心得到球迷嘅熱情打氣，對佢嚟講係好事，佢練習時狀態都好出眾。」另一個好消息係前鋒丹尼艾格斯已經復操，不過拉爾拉拿同尼達利基尼仍復出無期。
對於連續兩場比賽失7球，高路普亦都預告後防會有變動，特別係正選門將，比利時國腳米洛列特會打番正選，高路普話：「米洛列特係紅軍1號門將，我相信佢成季會打85至87%，喺理想世界，我可以用足11位球員成季，而且唁使後備，但現實係不可能。」
高路普（右）大讚古天奴（中）狀態。