【新增內容】
韓國天團BIGBANG隊長G-DRAGON(GD)上月27號入伍，預計預計明年11月26號先退伍。而GD早前就趁當兵前，準備名為「花之道」 (The Floral Pathway) 嘅禮物畀支持佢10多年嘅粉絲。

「花之道」由GD親自設計，所以呢份禮物僅得1000套，售價為160美金(約1,245港元)，禮物上月28號公開發售後立即引起搶購熱，粉絲可於www.unwrapp.hk購買。除咗禮物，GD亦特別錄製咗一段短片感謝粉絲，短片中更以GD嘅歌曲《無題》做背景音樂，相當粉絲聽到GD嘅歌聲會更加掛住偶像。

另外，由於每日有太多粉絲以電郵形式及寄信到GD所屬嘅白骨部隊，早前由現役軍人管理嘅白骨部隊Facebook已發出呼籲叫粉絲唔好再電郵信件，不過唔少粉絲就指呢個唔係官方Facebook，直到今日GD所屬嘅YG事務所亦即發表緊急呼籲，希望粉絲唔好再電郵信件到部隊，因為咁樣加速咗部隊人員嘅工作處於癱瘓狀態，亦令到部隊嘅A4紙以及影印機嘅墨水都用晒，更連累其他訓練兵收唔到來自親友嘅慰問信。YG希望粉絲可以克制，等GD可以健康平安咁完成訓練。

更多韓流，喺晒《娛果》
http://fb.com/appledailyent