候選名單上一共有50人,截止投票時間係下月6日,投票結果下月8日公佈。黃之鋒係唯一港人代表,不過最終《時代》決定邊個係今年嘅風雲人物,網上投票只係其中一項考慮指標。風雲人物嘅寶座花落誰家,12月10日就會知道。早前《時代》選出全球25位最具影響力青少年,黃之鋒喺排名榜高踞第4名。原來之鋒當日被拘捕後落口供,當時連鞋都甩埋,被「偷桃」仲要唔見鞋,證明抗爭真係要付出好大代價。
今次投票由上周開始,之鋒一開始排名11,噚日排名大躍進,如今已躍升至第4位。現時排首位係今年當選為印度總理嘅反對派領袖莫迪(Narendra Modi),得票率約有一成,第2位是美國嘅「弗格森示威者」,佢哋不滿一名白人警員槍殺黑人青年,竟逃過被起訴,在美國多個城市爆發大型示威騷亂。
第3位就係早前喺20國集團被孤立而早走回國嘅俄羅斯總統普京,第4位就係之鋒,得票率更有5.2%。第5位就係諾貝爾和平獎得獎者馬拉拉。國家主席習近平排23位,得票率只有1.4%。想投票可到以下網站: http://www.ti.me/1vnkZvX