見習騎師巫顯東於這天（10日）沙田第二場三班草地1200米，策告東尼馬房12倍的「英勇大師」排11檔沿途近乎包尾，直路遲遲才殺上，臨尾勁如炮彈，以短馬頭位之先，擊敗亞軍世界馬王「范高爾」子嗣「精明才子」，是7歲的「英勇大師」自15年2月1日後，相隔兩年多共34個月後久違的勝利。

「英勇大師」馬主施雅治說：「『英勇大師』降班負133磅我原本都好擔心，所以同告東尼商量，希望請見習生減磅出擊，我們最初想過搵潘明輝(他其實今期停賽)，但考慮對方今季手風平平，所以另找巫顯東。巫顯東今場發揮完美，切切實實做足告東尼的策騎指示，就是留在尾三、四位，卻不可留到最後。」

「MoMo(巫顯東)真係好，我睇好佢如果繼續努力，將來有力超越同期的潘明輝也未定。『英勇大師』之前有一場只輸給『幸運如意』得亞軍，有一定實力。我做過功課，MoMo近二十場頭馬都是放頭，『英勇大師』是後上馬，因此我都擔心MoMo唔知得唔得，現在證明他真是好嘢，希望MoMo繼續努力，更上一層樓。」