葡萄牙球星基斯坦奴朗拿度雖然有排都未掛靴，不過一早就已經上晒神檯，成為球王級人馬。C朗早喺2015年一次專訪入面，就預測過五位當時嘅年青球員，話佢地大有機會成為下一代球王。

C朗當時第一個點名嘅就係有挪威神童之稱嘅馬田奧迪加特：「我見到而家好多年青球員嘅技術都好出眾，就好似奧迪加特咁，佢只有16歲，但已經好出色。」不過奧迪加特經過三年後只係喺皇馬一隊上陣過兩次，今季仲被借咗去海倫芬。

其餘四位有被C朗「欽點」嘅仲有前曼聯翼鋒迪比、夏薩特、保羅普巴同埋尼馬，不過除咗夏薩特同尼馬之外，其他三位球員近年嘅發展同表現似乎都只係一般，睇嚟C朗嘅「燈力」同比利都不相伯仲。

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1