外號神蘇的歐洲名將蘇銘倫來港出任公司騎師，暫時上陣兩日都起孖。

睇到呢位殿堂級騎師喺上期（26日）策騎「開心好友」同「戰熊三千」喺直路上嘅拼勁，兩場都以短距離擊敗莫雷拉嘅座騎，戰鬥力完全唔似一個39歲、曾患新冠肺炎嘅中佬。

同莫雅等歐洲高手一樣，蘇銘倫喺晨操都我行我素。

每次試閘前，潘頓同田泰安都鍾意停低幾分鐘同記者傾偈，順便知道一下最新馬圈消息。

而同樣早到嘅蘇銘倫就自己一個企埋一邊，靜靜等到夠鐘先行入機坪上馬出跑道。

蘇銘倫有時cool爆，但有時都好友善，偶然主動傾閒偈。

佢提起今次來港正值12月，聖誕要同太太、一對仔女分隔香港、法國兩地，就算贏幾多項大賽都好， 佳節唔可以同屋企人一齊過， 真係好難頂同寂寞。

蘇銘倫嘅屋企人其實係有打算嚟香港團聚，日期原定明年1月中。

但政府日前公佈旅客抵港後嘅隔離日數由14日增加至21日，而神蘇的公司騎師任期只到明年2月14日，就算屋企人嚟到香港完成隔離，佢都差唔多牌照期滿。

但由另一個角度諗，如果家人真係肯花咁長時間強制隔離，會唔會意味住蘇銘倫將會延長本身在港出賽期呢？

今次（26日）日馬將會出現一個經典嘅鏡頭，13屆香港冠軍騎師韋達從練後，將會首次同蘇銘倫合作。

第五場「全才」同第八場「安采」呢兩匹未開齋之馬配上一級高手，戰意十分鮮明。

撰文：林湛穎

-----------------------------

時勢艱難，有問題即管開聲！

經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快還可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！

立即申請 : https://bit.ly/32cqDIW

推廣期由2020年12月1日至2021年1月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199