奧斯卡將於美國周日晚上舉行，前年獲封奧斯卡最佳女主角嘅影后姬蒂白蘭芝(CateBlanchett)，今日香港時間早上9點，喺美國洛杉磯出席佢代言嘅SKII記招，記招完畢後，姬蒂更與香港、內地同東南亞傳媒舉行視像訪問，而《蘋果日報》成為香港獨家報紙媒體出席灣仔舉行的Googlehangout視像訪問。

著上白裙嘅姬蒂今次憑電影《卡露的情人》(Carol)，飾演已婚婦人戀上女同志的電影而度獲最佳女主角提名，問佢心情係唔係好緊張？佢表示：「當然好緊張，入圍是一種榮幸，當日我會扮到最靚，我覺得其他沒有被提名的演員一樣係演得出色，心目中覺得《布克林之戀》中嘅SaoirseRonan嘅演技都好精湛。」

從影以嚟演過無數角色，印象最深刻又是邊個角色?佢就話：「我想是Carol吧！因這個角色好有挑戰性，非常榮幸能夠飾演Carol，佢係內心充滿矛盾同複雜嘅角色，反映了現代女性生活中嘅矛盾同壓力。所作出嘅犧牲讓自己活出自我，呢個角色嘅改變對我而言係好淒美。故事最真摯動人之處係佢忠於自己嘅選擇，不屈服於傳統觀念嘅枷鎖。」

如果今次再獲奧斯卡，邊一首歌會最表達你的心情？佢講：「我的天啊！BobDylan的《Don'tThinkTwice,It'sAllRight》吧！」

每次姬蒂出現喺紅地毯上都係明艷照人，問佢事前有咩準備工夫，她笑言：「先要做補濕面膜同按摩讓好讓自己心情輕鬆一下。」問佢會揀咩戰衣行紅地毯，幽默回答：「不如就穿呢套衣服吧！頭上再插上鮮花吧，哈哈哈！其實我真的不太在意自己穿甚麼。」另外問到佢紅地毯嘅「do'sanddon't」?佢直言：「Don'ttrytodressforother,dowearwhatyoulike。」

46歲的姬蒂與丈夫AndrewUpton結婚18年，又係三子之母，佢上年仲愛心爆棚收養咗細女Edith，又即將拍攝新片《Thor》，問到佢咁忙，又點分配工作與家庭？佢話：「相信每一個女人和家庭都面對一樣的問題，做父母都一定有壓力，希望事事做到最好，唔好搞砸就得。」