國務院港澳辦副主任鄧中華今日喺全國港澳研究會上話呀，「港版國安法」之下，執法同司法都主要由特區政府搞掂，但就預告，中央會保留喺「極其特殊情況」直接管轄極嚴重案件嘅權利。
就喺每個香港人都諗緊，冇相關條文釐清下點樣為之「特殊情況」呢？似乎都係龍門任中央搬之際，港人至今未見保障之時，特首林鄭就拍咗條短片，「護主」大讚中央係「用心良苦」。

政府新聞處今日發佈兩條林鄭擔正嘅1分鐘短片，中英文各一條，片中毫無疑問大讚國安法，話國家安全係頭等大事，指香港係中國「不可分離」嘅部份，有國安法先可以安居樂業喎。佢仲借機話近年有人鼓吹「港獨」同分離主義，又有接二連三嘅爆炸物品案，已經係破壞國家安全，揚言行政立法機關已經冇辦法自行制定法律保障國家。

林鄭又擦鞋話，中央從國家層面立法維護「一國兩制」同保障港人利益係用心良苦，重申「港版國安法」只係針對極少數嘅人，唔會影響港人自由、權利同營商環境，仲叫大家支持。有關短片聽日起會以政府宣傳短片形式，喺相關媒體播放。

其實由去年反修例運動開始，大家有眼可見，香港人點會俾林鄭幾句說話就動搖？睇嚟林鄭都係話畀「上面」知，自己交咗功課喇，尤其佢早前向副總理韓正承諾過，會全面配合法律草擬工作，並開展國家安全教育囉。

政府亦喺今日開設有關「港版國安法」嘅專題網站，提供多條有關立法嘅答問，例如會唔會損害「一國兩制」、會唔會違反《基本法》等，大家都估到政府一味話冇；而網頁同樣亦有啲嘢係「冇」，包括「冇」列出詳細條文、亦「冇」畀市民發表意見，單向式洗腦宣傳，成效係點？心知肚明。

相關新聞：
【中央保留管轄權】京官首談在港執法實權：由中央管轄「特別嚴重案件」

【港人畀錢養國安？】港澳辦稱要為國安機構提供「經費保障」 民主派斥北京欲以港人公帑「埋單」

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多