港股近日大上大落，伏勝即刻諗起偉易達（303），皆因隻股成日都好難捉摸，上星期初由8蚊炒上去11蚊，星期五就由接近10.7元直插到最低9蚊，十足一隻俾洗倉嘅莊家股。
聽聞今次隻股突然大跌，係因為有個大戶計錯數，買多咗成百萬股，由於未有準備足夠資金交收，結果星期五下午要沽貨。其他炒家見個大戶出貨，以為隻股會散，就出嚟掟埋一份。不過有行家話，隻股應該唔死得住，皆因之前「龍蝦」證券出咗份報告，話會睇到14蚊，呢幾日都見龍蝦個牌好勤力咁出出入入，所以如果有機會再見到9蚊，不妨入啲嚟坐下。