小池榮子今次扮演來港尋愛嘅日本遊客,佢從交友app認識一名男子後相約在港見面,點知巧遇擔任電視台導演嘅吉澤亮。《戀上香港》仲有巨乳索女馬場富美加演出,佢於開鏡首日偕同電波組.inc前成員最上Moga現身中環取景。之後就走到文青最like嘅打卡勝地南山邨彩虹橋進行拍攝。到今日,輪到女主角小池榮子以一身鮮紅色連身裙走入石硤尾南山邨,一行十幾二十人嘅劇組吸引不少街坊圍觀,拎住燈籠嘅小池榮子全程踢拖上陣,由於今日氣溫頗熱,佢埋位前要由幾個助手及工作人員貼身服侍,分別撥扇及用電風扇降溫,又有專人撐傘遮太陽,夠晒霸氣。拍到下午4時,小池榮子同工作人員準備上車離開,不過臨走前,用單手托胸嘅榮子似乎對附近嘅大排檔好有興趣,當研究一輪才搭車走人。