嚟緊將會推出第十張專輯嘅張繼聰，今日去到商台宣傳新歌《火星文》，佢話新專輯會以跳舞快歌為主，為咗配合製作部同事努力，佢特別操弗身型剝衫拍MV。

講到《衝上雲霄II》收視創佳績，嚟緊有份演嘅劇集《巨輪》將會出街，阿聰話:「好開心，見到香港劇集咁有話題性，起碼多咗人留意番香港劇集支持下。」佢仲講笑話老表效應經已比飛機衝散，不過佢哋一班《老表》演員好有默契，早前出嚟聚會時，經已開始大家俾意見話明年拍續集時，角色之間可以有乜嘢火花。